Ish mesfushori i Chelsea, i cili aktualisht ka nën drejtimin e tij skuadrën e Derby County, ka bërë një punë të jashtëzakonshme në Championship.

Pas punës së mirë të anglezit dhe dështimit në anën tjetër të Maurizio Sarri në stolin e Chelsea, zëra të shumtë kanë thënë se Lampard mund ta zëvendësoj trajnerin italian.

Por, presidenti i Derby, Morris, nuk është shprehur aspak i shqetësuar për këto zëra, duke mos qenë fare i habitur.

“Frank gjithmonë do të jetë i lidhur me Chelsea”, ka thënë Morris për ‘BBC Radio Derby’, transmeton lajmi.net.

“A është ndonjëri i befasuar që shumë njerëz do të interesohen për të, pas asaj që ai bëri këtë sezon? Stili i tij i futbollit ka qenë fantastik” ka thënë tutje shefi i Derby.

Lampard kishte nënshkruar një kontratë tri vjeçare me Derbyn në fillim të sezonit dhe ka pasur një sukses të jashtëzakonshëm. /Lajmi.net/