Skuadra e Chelseat sot gjatë ditës prezantoi trajnerin e tyre të ri, Frank Lampard, pas shkarkimit nga detyra e Graham Potter.

Legjenda e “Stamford Bridge” sot gjatë ditës mbajti seancën e parë stërvitore para ndeshjes së parë në Premier League ndaj Wolves, shkruan Lajmi.net

Disa ndryshime do të bëhen në formacion sipas faqeve të tifozëve të Bluve të Londrës. Edhe pse ai është një adhurues i madh i Mason Mount, duket se Lampard nuk do t’i jap hapësirë lojtarit deri të rikthehet në formën e duhur.

Me Lampardin, Chelsea pritet të luaj me formacionin 4-3-3, edhe pse shpeshherë ka ditur të luaj edhe me 3 mbrojtës në vijën e fundit.

Një ndryshim tjetër mundet me qenë edhe qendra e sulmit, ku Lampard preferon të luaj pa një sulmues qendror. Në vend të Kai Havertz si 9-sh ‘fallc’ do të luaj Joao Felix, kurse në krahun e majtë, Mudryk.

Ndeshja mes Wolves dhe Chelseat zhvillohet të shtunën nga ora 16:00. Kurse vetëm pesë ditë më vonë, Blutë luajnë ndaj Real Madridit në çerekfinalen e madhe të UEFA Champions League./Lajmi.net/

I'd love to see Frank Lampard go with something like this against Wolves. Thoughts? ? pic.twitter.com/q45ahj0V3f

— CFC-Blues (@CFCBlues_com) April 6, 2023