Lajme të mira për Realin para përballjes me Club Brugge

17:51 | 8 Dhjetor 2019

Gareth Bale mori pjesë në seancën stërvitore të Real Madridit me pjesën tjetër të skuadrës të dielën.

Uellsiani mungoi për ndeshjen kundër Espanyol për shkak të lëndimit, por ai mund të jetë në dispozicion të Zinedine Zidane për udhëtimin e së mërkurës në Club Brugge.

Ndërkohë, Marco Asensio, Lucas Vazquez, Marcelo dhe Eden Hazard vazhduan me rikuperimet e tyre përkatëse nga dëmtimi, megjithëse James Rodriguez ka punuar individualisht.

Lojtarët që u paraqitën në fitoren 2-0 të ‘Los Blancos’ në shtëpi kundër Espanyol realizuan një seancë rikuperimi. /Lajmi.net/