Lajm i mirë: Shërohet nga leukemia 6-vjeçari Arian Krasniqi i cili po trajtohej në Turqi
6-vjeçari nga Juniku, Arian Krasniqi, i cili ishte diagnostifikuar me leukemi, është shëruar nga kjo sëmundje.
Lajme
Lajmin e kanë bërë të ditur familjarët e tij të cilët thanë se pas një trajtimi të gjatë në Turqi, Ariani tashmë është shëruar dhe do të kthehet në Kosovë.
“Me rekomandim të Mjekëve, për shëndetin e Arianit, jemi të obliguar t’iu përmbahemi disa rregullave sidomos kontaktin me njerëz, Ariani e ka të ndaluar, kjo për arsye të shmangies nga gripet, infeksionet dhe bakteriet e ndryshme dhe shmangies nga një trajtim i tillë”, ka shkruar në Facebook babai 6-vjeçarit, Islam Krasniqi.
Ai ka thënë se duhet t’i përmbahen rregullave për shëndetin e Arianit.
“Është e domosdoshme t’iu përmbahemi rregullave STRIKTE, andaj kërkojmë mirëkuptimin e të gjithëve për shëndetin e Arianit”, shkroi ai.
