Labinot Tahiri ndihmon studentët kosovarë që mbetën në Egjipt për shkak të pandemisë
Labi ka ndihmuar studentët kosovarë që pandemia bëri që të mbeten të izoluar në Egjipt.
ShowBiz
Këngëtari Labinot Tahiri njihet për aktivitetet humanitare, të cilat po i vazhdon edhe sot, shkruan lajmi.net.
Me anë të një postimi, Labi njoftoi se do t’i ndihmojë financiarisht 8 studentët që mbetën në Egjipt për shkak të pandemisë.
Ai tha se do ua dërgojë së paku 3000 euro për bileta kthyese ose bursa dhe u bën thirrje institucioneve shtetërore që të angazhohen për rikthimin e tyre në atdhe.
KY ËSHTË POSTIMI I PLOTË I LABIT, PA NDËRHYRJE:
“Të dashur qytetarë!
Ne njihemi për vepra, dhe me vepra deshmohen punët tona për çdo qytetar në trevat shqiptare.
Me ardhjen e Egzon Ibrahimit dhe të Fadil Hoxhës në shtëpinë time, të cilët u interesuan për 8 studentët në Egjipt, të cilët kanë mbetur atje gjatë kohës së pandemisë, ne u interesuam menjeherë për ta , do të ju dergojmë së paku 3000 € për biletat kthyese ose për bursa!
Ata kanë mbetur atje si pasojë e pandemisë!
Personalisht dua t’iu bëj thirrje edhe organeve shtetërore që sa më parë të interesohen për kthimin e djemve në atdheun e tyre.
Shqipëria dhe Maqedonia i kanë kthyer studentët e tyre, ndërsa Kosova jo, sepse nuk ka ambasadë në Egjipt!
Kam dëshirë që paratë ti dorëzoj tek Bashksia Islame e Kosovës, me shpresë që ato të iu shkojnë këtyre 8 studentëve ku po studijojnë fakultetin e shkencave Islame.
Zoti ju bekoftë!
Me respekt, Labinot Tahiri Ferizaj Kosovë e Shqipërisë”. /Lajmi.net/
