Kuvendi i Kosovës ka miratuar rezolutën për mbrojtjen e grave dhe parandalimin e dhunës në baza gjinore.

Rezoluta trajton rastin e fundit të vrasjes së një gruaje në Vitomiricë të Pejës, rastet e tjera të vrasjes së grave, si dhe dhunën në familje ndaj grave dhe fëmijëve.

Po ashtu, dokumenti adreson përgjegjësinë e institucioneve në parandalimin e këtyre dukurive dhe në sigurimin e mbrojtjes për viktimat e dhunës.

Rezoluta u miratua në Kuvend me 67 vota për, asnjë kundër dhe asnjë abstenim. /Lajmi.net/