Kryeministri Albin Kurti ka pritur sot në një takim ambasadorin Aivo Orav, Shefin e Zyrës së Bashkimit Evropian në Kosovë, ku u diskutua për progresin e Kosovës në drejtim të integrimit në Bashkimin Evropian.

Gjatë takimit, Kurti theksoi angazhimin e plotë të qeverisë në realizimin e reformave të nevojshme për përmbushjen e standardeve evropiane.

Ai gjithashtu nënvizoi rëndësinë e përpjekjeve të Kosovës për të avancuar në kuadër të Planit të Rritjes, një mekanizëm kyç për avancimin e integrimit të rajonit në BE, nga i cili Kosova pritet të përfitojë një shumë prej 882.6 milionë euro.

Në këtë takim, u diskutua gjithashtu për situatën aktuale politike në vend, duke theksuar nevojën për një bashkëpunim të ngushtë rajonal si një komponent të rëndësishëm për avancimin e mëtejshëm të integrimit të Kosovës në Bashkimin Evropian.