Kryeministri i vendit, Albin Kurti është pyetur në lidhje me çështjen e ngritjes së çmimit të derivateve që është shqetësuese për qytetarët.

Me këtë rast, Kurti deklaroi se ne naftën e kemi të gjithën të importuar dhe s’kemi burime e kësisoj bëhet edhe më problematike.

“Ju e dini se e gjithë nafta që kemi në Kosovë importohet dhe ne jo vetëm që s’kemi burime të naftës por as rafineri të naftës ne as nuk përpunojmë, përpos që nuk kemi.Në këtë mënyrë e marrim komplet koston e inflacionit në import , ministria e Tregtisë i ka vazhdur ato masat e ish-ministres Hajdari dhe ajo është në komunikim të vazhdueshëm me ekspertët”,tha Kurti.

Kurse sipas tij propozimet për heqjen e tvsh-së dhe akcizës s’janë mirë të menduara.

“Këto propozimet për heqje të tvsh-së e akcizës s’janë mirë të menduara dhe nuk bazohen në përvoja të suksesshme apo në dije ekonomike, është shumë e rëndësishme të kemi kujdes e të mos i shërbejmë super profitit të ndokujt, në vend që t’ua zbusim barrën qytetarëve”,tha ai, transmeto lajmi.net.

“Gjitha vendet e Evropës dhe vetë SHBA-të po e vuajnë koston e luftës që po zhvillohet në Iran e Terehan, e sikur ne të kishim port detar e të kishim vend të madh grumbullimi të naftës atëherë këto tregje s’do përcilleshin kaq shpejtë si tani.”./Lajmi.net/