Kurti flet për vendimet që u morën në mbledhjen e Qeverisë

Lajme

09/10/2024 19:31

Qeveria e Kosovës ka mbajtur sot mbledhjen e 223-të me radhë.

Kurti përmes një postimi në Facebook, ka thënë se bashkë me vendimet e sotme kjo Qeveri numëron gjithsej 2009 vendime të marra dhe 303 projektligje.

“Mbledhja nisi me një vendim tejet të rëndësishëm: miratimin e Agjendës së Reformave në kuadër të Planit të Rritjes të Bashkimit Evropian për gjashtë vendet e Ballkanit Perëndimor. Me zbatimin e reformave të dakorduara me Komisionin Evropian, Kosova mund të përfitojë deri në 882,6 milionë euro”, ka shkruar Kurti.

Vendimet e marra:

Mes vendimeve të tjera të kësaj mbledhjeje:

Dërguam në Kuvend pesë Projektligje, atë për:

– Shërbimet e Pagesave;

– Inspektoratin Qendror të Trashëgimisë Kulturore;

– Financimin e Menaxhimit të Resurseve Ujore;

– për Lëndët Plasëse; dhe

– Kundër Dukurive Negative në Sport.

– Me Projektligjin për Shërbimet e Pagesave hapet rruga për anëtarësim në zonën SEPA (Single Euro Payments Area). Anëtarësimi në SEPA, sipas një studimi të “German Economic Team”, u mundëson qytetarëve kursimin e rreth 55 milionë eurove në vit, të cilat ishin shpenzime të mëhershme të transfereve ndërbankare e ndërkombëtare të parave.

– Rialokuam 4.2 milionë euro në mbështetje direkte të sportit dhe kulturës;

– Ndamë 4 milionë euro për masat e efiçiencës së energjisë te Ministria e Ekonomisë;

– Aprovuam kërkesën e Ministrisë së Shëndetësisë për pagesën e 22 specializantëve me vetëfinancim nga Lugina e Preshevës, Shqipëria dhe Mali i Zi, në vlerë 58 mijë euro;

Vendimet përfundimtare për shpronësim për këto projekte:

– ndërtimi i rrugës rajonale R221 Cerkolez-Rakosh; dhe

– ndërtimi i nënstacionit në Malishevë për nevojat e KOSTT;

Vendim preliminar për shpronësim për nevoja të Terminaleve Doganore në Han të Elezit dhe në Dheun e Bardhë të cilat po i kthejmë në terminale publike;

Vendimet për shqyrtim të mëtejmë të kërkesës për shpronësim për projektet:

– hyrja në qytetin e Ferizajt;

– ndërtimi i rrugës rajonale Mushtisht-Shtërpcë; dhe

– qarkorja e jashtme e qytetit të Gjilanit dhe kyçja e rrugës nacionale.

Më poshtë, të gjitha vendimet e mbledhjes së 223-të të Qeverisë:

Postimi i tij i plotë në Facebook: