Drejtori i Asociacionit të Komunave të Kosovës, Sazan Ibrahimi, ka konfirmuar për KosovaPress se në këtë takim do të diskutohen disa tema kryesore, si fillimi i procesit mësimor, kriteret dhe shpërndarja e 10 milionë eurove në komunat e Kosovës si përkrahje në luftën ndaj parandalimit të përhapjes së COVID-19.

Ai ka thënë se komunat janë të gatshme sa i përket fillimit të procesit mësimor të këtij viti, ndarjen në grupe të caktuara apo në çfarë skenari do të përdorën, do të jetë vendim individual i secilës komunë në bazë të rrethanave në terren.

Ky takim do të mbahet  me fillim prej orës 11:00 në ndërtesën e Qeverisë së Kosovës.