Krasniqi për insistimin e Deharit për votim të fshehtë: Metodë tjetër për të vazhduar bllokadën

Albert Krasniqi nga Demokracia në Veprim, ka komentuar propozimin e kryesuesit të seancës konstituive, Avni Deharit për votim të fshehtë, ndonëse rendi i ditës ishte caktuar më herët. Sipas Krasniqit, ky nuk është propozim për të tejkaluar ngërçin por një tjetër mënyrë për të vazhduar bllokadën. “Propozimi arbitrar i kryesuesit të seancës konstituive për votim…

Lajme

07/05/2025 12:23

Albert Krasniqi nga Demokracia në Veprim, ka komentuar propozimin e kryesuesit të seancës konstituive, Avni Deharit për votim të fshehtë, ndonëse rendi i ditës ishte caktuar më herët.

Sipas Krasniqit, ky nuk është propozim për të tejkaluar ngërçin por një tjetër mënyrë për të vazhduar bllokadën.

“Propozimi arbitrar i kryesuesit të seancës konstituive për votim të fshehtë, ndonëse rendi i ditës ishte caktuar më herët nga kryetari i legjislaturës së kaluar në marrëveshje me përfaqësuesit e subjekteve politike, ka një synim të vetëm: të shmangë dështimin e kandidates së tij për të siguruar mbështetjen e deputetëve. Ky nuk është një propozim për të tejkaluar ngërçin, por thjesht një metodë tjetër për të vazhduar bllokadën”, ka thënë Krasniqi.