Krasniqi e konfirmon pjesëmarrjen në takimin e nesërm me Vjosa Osmanin
Kryetari i PDK-së, Memli Krasniqi ka konfirmuar se ka pranuar ftesë për takim për nesër nga ana e presidentes Vjosa Osmani lidhur me situatën politike të krijuar tash e pesë muaj. Teksa tha se do të jetë pjesë e takimit. “Kam pranu ftesën dhe besoj nesër është takimi dhe unë do të jem aty. Qëndrimi…
Lajme
Kryetari i PDK-së, Memli Krasniqi ka konfirmuar se ka pranuar ftesë për takim për nesër nga ana e presidentes Vjosa Osmani lidhur me situatën politike të krijuar tash e pesë muaj.
Teksa tha se do të jetë pjesë e takimit.
“Kam pranu ftesën dhe besoj nesër është takimi dhe unë do të jem aty. Qëndrimi i njëjtë që kemi pasur gjithmonë. Ka dy tre muaj që jemi duke munduar të gjejmë zgjidhje të ofrojmë kompromise për të dalë nga kjo situatë”, tha Krasniqi.
Po ashtu ai u shpreh se shpreson që e njëjta gjë të ndodh siç nuk ka ndodh deri tash nga ana e LVV.
“Ne kemi pasur kërkesë edhe më herët që presidentja të merr rolin e saj dhe të involvohet. Kemi pasur edhe takimin që ka qenë para disa javësh, e shoh pozitiv në kuadër të angazhimit por nuk di çka të them për mundësinë e rezultatit sepse në fund të fundit bllokada është prodhim I kryeneçësisë së LVV-së”, tha Krasniqi. /Lajmi.net/
