Komisioni Qendror i Zgjedhjeve ka njoftuar se më 17 maj në ora 23:59 është mbyllur periudha e aplikimit për regjistrimin e votuesve jashtë Kosovës, për pjesëmarrje në zgjedhjet e parakohshme për Kuvendin e Kosovës.

Gjatë periudhës 6–17 maj 2026, shtetasit e Kosovës që jetojnë jashtë vendit kanë mundur të aplikojnë për regjistrim:

Përmes platformës elektronike

diaspora.kqz-ks.org

Përmes postës, duke dërguar aplikimin në kutinë postare të KQZ-së në Kosovë.

✅ Në momentin e regjistrimit, votuesit kanë mundur të zgjedhin njërën nga këto forma votimi:

1️⃣ Votim fizik në përfaqësitë diplomatike të Republikës së Kosovës

2️⃣ Dërgim të fletëvotimit me postë në kutinë postare të KQZ-së në Kosovë

3️⃣ Dërgim të fletëvotimit me postë në kutitë postare të hapura nga KQZ jashtë Kosovës

KQZ ka njoftuar se sipas të dhënave preliminare:

• Janë pranuar gjithsej 142,803 kërkesa për regjistrim
• 109,696 janë aprovuar
• 7,325 janë refuzuar
• 25,702 mbeten në shqyrtim

“Nga aplikimet e aprovuara:

81,901 votues janë regjistruar për dërgimin e fletëvotimit në kuti postare jashtë Kosovës

2,855 për dërgimin në kutinë postare të KQZ-së në Kosovë

24,940 janë regjistruar për votim fizik në përfaqësi diplomatike”, ka njoftuar KQZ.

Ata kanë njoftuar se ,otimi në përfaqësitë diplomatike mbahet më 6 qershor 2026, nga ora 07:00 deri në 19:00 sipas kohës lokale, ai përmes postës zhvillohet nga 25 maj deri më 6 qershor 2026.

“Komisioni Qendror i Zgjedhjeve do të publikojë së shpejti adresat e kutive postare për pranimin e pakove me fletëvotime”, thuhet në njoftim. /Lajmi.net/

Njoftimi i plotë: