KFOR gjatë patrullimit, në fshatin Bube të Zubin Potokut ka vërejtur 3 vetura dhe një furgon të cilat dyshohet të jenë futur në Kosovë nga Serbia.

KFOR ka njoftuar Policinë të cilët i janë përgjigjur rastit dhe kanë arrestuar një person ndërsa shoferët e tri automjeteve kanë ikur, shkruan lajmi.net.

Në ato automjete janë gjetur dele, pije alkoolike dhe pa alkoolike.

“Fsh. Bube, Zubin Potok 19.11.2024 – 08:49. Njësia e KFOR-it gjatë patrullimit ka vërejtur 3 vetura dhe një furgon që dyshohet se janë futur në Kosovë nga territori i Serbisë. Njësia policore i është përgjigjur rastit ku drejtuesit e tri  automjeteve kanë ikur duke i lënë automjetet në rrugë, ndërsa njëri nga drejtuesit, i dyshuari mashkull kosovar është arrestuar. Gjatë kontrollit të automjeteve është vërejtur se të njëjtat kanë qenë të ngarkuara me dele si dhe pije alkoolit dhe jo-alkoolike. Me vendim të prokurorit është iniciuar rasti”, thuhet në raportin e Policisë. /Lajmi.net/