Burimet nga forcat mbështetëse të Hadit, kanë pohuar se të paktën 20 militantë Husi u vranë gjatë luftimeve në krahinën jugperëndimore të Jemenit, Taiz, raporton Anadolu Agency (AA).

Sipas burimeve fisnore lokale, militantët e lëvizjes Husi gjithashtu organizuan një sulm në qytetin Arbah në provincën Sana, në të cilën të paktën nëntë civilë u vranë dhe disa shtëpive u shkatërruan.

Për shkak të paqëndrueshmërisë politike në Jemen, koalicioni i udhëhequr nga Arabia Saudite në muajin mars të këtij viti ndërmori një ofensivë për të parandaluar përparimin e Husive të cilët ishin në konflikt të armatosur me forcat pro-qeveritare. Këto konflikte të armatosura mes militantëve Husi dhe forcave pro-qeveritare vazhdojnë edhe në qytete të ndryshme të vendit.

Javët e fundit, forcat pro-Hadit, mbështetur nga Arabia Saudite, kanë rimarrë kontrollin në shumicën e provincave bregdetare, duke lejuar kthimin e disa zyrtarëve qeveritarë të Jemenit.

Ndërkohë bëhet e ditur se militantët e Lëvizjes Ensarullah (Husi) janë tërhequr nga rajoni el-Atak të krahinës Shabwah në jug-lindje të vendit.