Konfliktit i parapriu tubimi i ithtarëve të Ukrainës unike dhe qeverisë qendrore në Kiev, që ishte i siguruar nga forcat policore.

Mmirëpo, kur në rrugë u paraqitën edhe demonstruesit pro-rusë, shpërtheu përleshja ndërmjet dy grupeve të cilën nuk ia doli ta ndërpresë as policia.

Në xhirimet televizive shihen grupe personash të maskuar nga të dy palët që përlesheshin me shufra e zinxhirë, duke hedhur drejt njëri-tjetrit edhe kokteje molotovi.

Agjencia ukrainase Interfaks, duke iu referuar burimeve të administratës rajonale në Donjeck, njofton se gjatë përleshjeve janë plagosur 14 persona nga të dy palët e konfrontuara.

Demonstruesit të cilët bërtisnin \”Donjecki është Ukrainë\” dhe të cilët mbanin flamuj ukrainas, u shpërndanë pas përleshjes.