Komuna e Obiliqit ka njoftuar qytetarët se afati për evidentimin dhe paraqitjen e dëmeve të shkaktuara nga vërshimet është deri më 23 janar 2026, në orën 16:00.

Sipas njoftimit zyrtar, të gjithë qytetarët që janë prekur nga vërshimet ftohen që brenda këtij afati të paraqesin dëmet e tyre, në mënyrë që të përfshihen në procesin e verifikimit nga komisioni përgjegjës i komunës, transmeton lajmi.net.

Komisioni i caktuar nga Komuna e Obiliqit ka bërë të ditur se po vazhdon punën në terren për verifikimin e dëmeve, duke synuar një proces të drejtë dhe transparent për të gjithë qytetarët e prekur.

Nga Komuna apelohet që qytetarët që ende nuk i kanë paraqitur dëmet, ta bëjnë këtë brenda afatit të përcaktuar, pasi pas përfundimit të tij nuk do të mund të merren parasysh kërkesat e vonuara.

Njoftimi i plotë: