Komisioni për Buxhet, Punë dhe Transfere i Kuvendi i Kosovës do të mbajë sot mbledhje me fillim nga ora 12:00.

Sipas rendit të ditës, në fillim pritet miratimi i rendit të ditës, ndërsa më pas do të shqyrtohet në parim Projektligji nr. 10/L-001 mbi ndarjet buxhetore për Buxhetin e Republikës së Kosovës për vitin 2026, transmeton lajmi.net.

Në këtë mbledhje do të shqyrtohen edhe disa projektligje për ratifikimin e marrëveshjeve financiare ndërkombëtare, përfshirë Marrëveshjen e financimit për programin e parë për “financimin e politikave zhvillimore për efektivitetin fiskal, konkurrueshmërinë dhe rritjen e gjelbër” ndërmjet Republikës së Kosovës, e përfaqësuar nga Ministria e Financave, Punës dhe Transfereve, dhe Asociacioni Ndërkombëtar për Zhvillim.

Po ashtu, në rend dite janë edhe projektligjet për ratifikimin e marrëveshjeve të kredisë me Asociacionin Ndërkombëtar për Zhvillim për projektin “Kompas” – qasja gjithëpërfshirëse e Kosovës për forcimin e sistemit të shëndetësisë, si dhe për projektin “Edukimi në fëmijërinë e hershme dhe kujdesi për kapitalin njerëzor të Kosovës”.

Komisioni do të shqyrtojë edhe Projektligjin nr. 10/L-004 për ratifikimin e marrëveshjes së kredisë për “Instrumentin për reforma dhe rritje për Ballkanin Perëndimor” ndërmjet Bashkimit Evropian, i përfaqësuar nga Komisioni Evropian si huadhënës, dhe Kosovës si huamarrës, me Banka Qendrore e Republikës së Kosovës në rolin e agjentit të huamarrësit.

Në pikën e fundit të rendit të ditës janë paraparë çështje të ndryshme.

Njoftimi i plotë: 

Komisioni për Buxhet, Punë dhe Transfere