Ministri i Financave në detyrë, Hekuran Murati reagoi pas kërkesës së presidentes Osmani për heqjen e tarifave me SHBA-të.

Murati tha se Osmani nuk publikoi qëndrimin vetëm tre minuta pasi kishte dërguar emailin zyrtar të cilin tha se e dërgoi pas orarit të punës, transmeton lajmi.net.

“Sot pas orarit të rregullt të punës, në lajme lexova që Presidentja e vendit i paska bërë kërkesë Qeverisë që të pezullojë tarifat ndaj produkteve me origjinë nga ShBA-të. Kërkesa në email ishte dërguar në adresë të Qeverisë në 17:39, ndërkaq kjo gjë ishte bërë publike në rrjetin social X në 17:42, veç 3 minuta më vonë”, ”, ka thënë Murati në Facebook.

Për këtë në postimin e Muratit reagoi, avokati, Arianit Koci duke kritikuar dy palët.

Ai tha se as publikimi i presidentes Osmani dhe as reagimi i Muratit nuk janë sjellje dinjitoze.

Ja komenti i tij:

“Z. Ministër,

Presidentja ka bërë postim publik vetëm 3 minuta pasi e ka dërguar emailin zyrtar në adresë të Qeverisë. Kjo nuk është sjellje dinjitoze dhe nuk i shkon një institucioni si Presidenca.Por as përgjigjja juaj – po supozoj, në emër të Qeverisë, nuk është më e mirë – një postim tjetër në Facebook.Për ne, qytetarët e zakonshëm, kjo mënyrë komunikimi është shqetësuese – kushdo qoftë që ka faj. Nuk mund të pranohet që komunikimi mes Presidentes dhe ministrit më të rëndësishëm në Qeveri të ndodhë publikisht, në kohë reale, përmes rrjeteve sociale.Nuk ka hijeshi. Nuk ka peshë. Nuk ka ndjenjë shteti.Ju lutem, komunikoni përmes kanaleve zyrtare, apo takohuni”, ka shkruar ai.