Napoli do të vizitojë Udinese të enjten mbrëma, por ata mund të fitojnë titullin të mërkurën nëse Lazio nuk mund të mposhtë Sassuolo në Stadio Olimpico.

“Biancocelesti” pret Sassuolon në Romë të mërkurën në orën 21:00, njoftojnë mediat italiane, transmeton lajmi.net.

Djemtë e Maurizio Sarri duhet të fitojnë për të mbajtur Napolin në pritje të Scudettos së tyre të tretë në histori.

Nëse Lazio humbet ose barazon, “Partenopei” do të bëhet kampion i Serisë A përpara se të luajnë në “Dacia Arena” të enjten.

Lazio ka humbur dy ndeshje radhazi në Serie A për herë të parë që nga janari. Hera e fundit që ata u përballën me tre humbje radhazi në ligë ishte në korrik 2020 nën drejtimin e Simone Inzaghi.

Edhe djemtë e Sarrit kanë pësuar katër gola në dy ndeshjet e fundit, aq sa në 10-të e mëparshme.

Napoli fitoi titullin e fundit të Serie A në 1989-90. Lojtarët do të udhëtojnë në Udine të mërkurën, por nuk do të kthehen në Napoli menjëherë pas ndeshjes të së enjtes.

Nëse fitojnë titullin, ata do të kthehen në qytet të premten pasdite, siç konfirmoi Presidenti Aurelio De Laurentiis./Lajmi.net/