Lajmi.net e ka siguruar ftesën që Veseli i ka dërguar kryetarit të LDK-së, Isa Mustafa.

Takimi i thirrur nga kryetari Veseli do të mbahet ditën e martë, datë 8 maj, ora 13:00, në Sallën C301,  në Kuvendin e Kosovës.

Në këtë tryezë, kryetari Veseli ka propozuar të diskutohet për çështjet më prioritare për shtetin, me theks të veçantë për:

Fazën përfundimtare të dialogut për normalizimin e marrëdhënieve Kosovë-Serbi;

Hartimin e Statutit për Asociacionin e Komunave me Shumicë Serbe;

Agjendën e Integrimeve Evropiane;

Formimin e Ushtrisë së Kosovës;

Reformën Zgjedhore.

Kryetari Veseli, ditë me parë, ka prezantuar edhe propozim-platformën për konsensus rreth këtyre temave. /Lajmi.net/