Komisioni Qendror i Zgjedhjeve (KQZ) ka vënë në dispozicion platformën elektronike ku mund të ndiqen rezultatet preliminare dhe statistikat e pjesëmarrjes në votime për çdo komunë, qendër votimi dhe vendvotim në zgjedhjet e parakohshme.

Rezultatet do të përditësohen vazhdimisht gjatë procesit të numërimit.

Sipas Ligjit për Zgjedhjet e Përgjithshme, numërimi i votave për subjektet politike bëhet në vendvotime pas përfundimit të procesit të votimit, ndërsa numërimi i votave për kandidatët për deputetë zhvillohet në Qendrat Komunale të Numërimit.