Shkelqim Hajdari, koordinator i protestës në Tiranë tregoi se kush do të jenë folësit në këtë protestë që do të mbahet sot në sheshin “Skenderbej”.

Ai u shpreh se protesta do të hapet nga Hysni Gucati, për të vazhduar me Ali Ahmetin.

“Nuk do ketë shumë folës, nuk do ketë politikanë. Protesta do të hapet nga kryetari i Organizatës së Veteranëve, Hysni Gucati dhe do të mbyllet, jo si politikan, por si ish-udhëheqës i luftës si në Kosovë, si në Maqedoni të Veriut, Ali Ahmeti”.

“Sigurisht do të flas ish-presidenti, Alfred Moisiu dhe përfaqësues të dëshmorëve të Shqipërisë që kanë rënë në luftën që është bërë në Kosovë dhe Maqedoni”, u shpreh tutje ai në “Edicionin Special” në Klan Kosova.