Menaxherja e atëhershme e fushatës, Patti Solis Doyle rekomandoi pushimin nga puna të këshilltarit Burns Strider, por Clinton nuk e bëri një gjë të tillë. Strider iu shkurtua rroga dhe iu urdhërua të shkonte në terapi, ndërsa gruaja e re u transferua në një vend të ri pune, sipas njoftimeve.

Mr. Strider, që ishte këshilltar për fenë për Clinton, u punësuar pesë vjet më pas për të drejtuar një grup të pavarur që mbështeti kandidaturën e Clinton në vitin 2016.

Ai u pushua nga puna disa muaj më pas për probleme në vendin e punës, përfshirë akuza se kishte ngacmuar një punonjëse të re, sipas burimeve pranë kompanisë “Correct the Record”, sipas gazetës “New York Times”.

Strider nuk i është përgjigjur kërkesave për koment.

Një zëdhënës për Clinton dha një deklaratë nga firma ligjore “Utrecht, Kleinfeld, Fiori, Partners” që kishte përfaqësuar fushatën në vitin 2008, sipas së cilës kur kishte pasur çështje të lidhura me ngacmime seksuale “ishin marrë masat e duhura” dhe “ky rast nuk përbënte përjashtim”.