Lideri i Lidhjes Demokratike të Kosovës, Isa Mustafa, u ka bërë thirrje organeve të drejtësisë, që të zbulojnë vrasjen e gazetarit Enver Malokut dhe vrasjet e të gjithë veprimtarëve tjerë të LDK`së.

Në akademinë përkujtimore të mbajtur dje, me rastin e 15 vjetorit të vrasjes së gazetarit Enver Maloku, Kreu i LDK`së ka folur për veprën e tij duke thënë se Maloku ka qenë njëri ndër gazetarët më dinamikë të asaj kohe.

“A i ishte njëri ndër gazetarët më dinamikë të asaj kohe”.

Mustafa ka thënë se vrasja e Enver Malokut dhe intelektualëve të tjerë të cilët u vranë gjatë dhe pas luftës po i mungojnë LDK`së.

“Veprat e tyre, të krijuara Brenda strukturës së LDK`së, tani nuk i takojnë vetëm kësaj partie, por i takojnë tërë Kosovës, i takojnë një bote demokratike dhe një jete demokratike të cilën ne po e ndërtojmë”.

“Na mbetet neve, po ashtu, që të angazhohemi vazhdimisht që drejtësia të zbardhë dhe të gjykojë të gjitha rastet e vrasjeve dhe ekzekutimit të njerëzve që me tërë qenien e tyre punuan dhe u sakrifikuan për lirinë dhe pavarësinë e Kosovës.