Një person i dyshuar për veprat penale “Vrasje në tentativë” dhe “Mbajtje në pronësi, kontroll ose posedim të paautorizuar të armëve” është vetëdorëzuar në polici, ka njoftuar Policia e Kosovës në raportin 24-orësh.

Sipas policisë, bëhet fjalë për një mashkull kosovar, i cili ishte në kërkim në lidhje me këtë rast, shkruan lajmi.net.

“I dyshuari mashkull kosovar i cili ka qenë në kërkim në lidhje me rastin është vetëdorëzuar”, thuhet në njoftimin e Policisë së Kosovës.

Tutje, policia bën të ditur se pas procedurave hetimore është marrë vendim për ndalimin e tij.

“I njëjti pas intervistimit, me vendim të prokurorit, është dërguar në mbajtje për 48 orë”, thuhet në raportin 24-orësh.

Lidhur me rastin, hetimet janë duke vazhduar. /Lajmi.net/