Një person është arrestuar në Prizren nën dyshimin për kanosje ndaj një zyrtari policor.

Sipas Policisë së Kosovës, rasti ka ndodhur të enjten rreth orës 20:11, pasi i dyshuari i kishte dërguar një mesazh me përmbajtje kërcënuese një zyrtari policor, transmeton lajmi.net.

Hetimet fillestare tregojnë se kanosja dyshohet të jetë e lidhur me një rast penal që ishte hetuar më herët nga polici, i cili në këtë rast është viktimë.

Me vendim të prokurorit, i dyshuari është dërguar në mbajtje, ndërsa rasti po hetohet për veprën penale “Kanosje ndaj personit zyrtar”.

Raporti i plotë:

KANOSJE NDAJ PERSONIT ZYRTAR

Prizren 09.07.2026 – 20:11. Është arrestuar i dyshuari mashkull kosovar, për shkak se i njëjti, i kishte dërguar një mesazh në telefon me përmbajtje kërcënuese viktimës mashkull kosovar, (zyrtar policor). Gjatë hetimit fillestar dyshohet se kanosja ndërlidhet me një rast penal që e ka hetuar zyrtari policor. Me vendim të prokurorit i dyshuari është dërguar në mbajtje./lajmi.net/