Kelmendi: Urime kryeministër Avdullah Hoti, keni parasysh çfarë emri keni

Kryetari i Partisë Fjala, Gëzim Kelmendi ka uruar Avdullah Hotin për postin e kryeministrit të ri të Kosovës.

Lajme

04/06/2020 07:34

Postimi i plotë nga Gëzim Kelmendi: 
Kryeministër fillimisht po iu uroj për pozitën e re. Urime.
Ashtu sikur Kurtit, edhe juve në ditën e parë po iu uroj. Por juve po iu “diskriminoj” pak. Urimit për Albin Kurtin ia kam bashkangjitur disa lutje të mira që ai ta besoi ZOTIN dhe njëshmërinë e Tij.
Po për juve nuk i bëra ato lutje, pse? Sepse mendoj që ju besoni në ZOT, mendoj që besoni në njëshmërinë e ZOTIT.
Kryeministër Hoti, a e dini që emri juaj është ndër emrat ma të mirë në botë. Keni emrin Avdullah, që do të thotë rob i ALLAHUT. Shumë emër i bukur.
Por kryeministër Hoti keni kujdes, mos e koritni emrin.
Nëse nuk iu merr mendja që mundeni me punu ma mirë se kryeministrat tjerë, qysh nesër shkoni në komunë dhe ndryshoni emrin tuaj. Ju lutem ruajeni këtë emër. Mos e koritni.
Ju mundeni me u koritë, ama emrin mos e koritni.
Gëzim Kelmendi /Lajmi.net/