Kanye West po planifikon të ndërtojë rezidencë prej 52.000 metra katrorë në fermën e tij prej 14 milionë dollarësh në Wyoming, shkruan TheSun, transmeton lajmi.net.

Reperi, 43 vjeç, ka marrë dritën e gjelbër për të ndërtuar një “gjigand” me10 dhoma gjumi në pronën e liqenit të përhapur në shtetin e Cowboy. Ndërtesat dhe lejet e zonës së Kanye të ngritura në Cody, Wyoming, u miratuan gjatë muajve të fundit, njoftoi TMZ.

Dizajneri Yeezy planifikon të ndërtojë një rezidencë për një familje të vetme, e cila raportohet të jetë ajo kryesore që ai do të përdorë për të, gruaja Kim Kardashian dhe katër fëmijët e tyre: North, shtatë, Saint, katër, Chicago, dy, dhe Psalm, një.

Dyshja aktualisht ndajnë kohën e tyre mes Wyoming dhe rezidencës së tyre 20 milionë dollarëshe në LA.

Atij iu dha leje po ashtu të ndërtojë edhe dy garazhe nëntokësore, ndërsa planifikon t’i ndërtojë edhe dy shtëpi të reja liqeni mbi ato ekzistuese.

Reperi bleu një fermë për 14 milionë dollarë në shtator të vitit të kaluar dhe i pëlqeu aq shumë sa që i bleu vetes një të dytë – gjithashtu për 14 milionë dollarë – sipas People.

Monster Lake Ranch përfshin më shumë se 1.400 hektarë dhe ndodhet rreth 75 milje nga Parku Kombëtar Yellowstone.

Prona është riemëruar zyrtarisht West Lake Ranch, por West gjithashtu i referohet asaj si “kampusi Yeezy”, duke iu referuar markës së tij të modës.

Kanye West së fundi ka konfirmuar se do të kandidojë për president të Shteteve të Bashkuara të Amerikës. /Lajmi.net/