Joseph Borell paralajmëron takimin e radhës Kurti-Vuçiq

Përfaqësuesi i Lartë për Politikë të Jashtme të Bashkimit Evropian, Joseph Borrell, ka thënë se para nisjes së samitit të krerëve të BE-së, e para gjë për të cilën do të informohen ata është dialogu në mes Kosovës dhe Serbisë. Borrell tha se së shpejti do të ketë një takim të krerëve të të dy…

Lajme

09/02/2023 12:00

Përfaqësuesi i Lartë për Politikë të Jashtme të Bashkimit Evropian, Joseph Borrell, ka thënë se para nisjes së samitit të krerëve të BE-së, e para gjë për të cilën do të informohen ata është dialogu në mes Kosovës dhe Serbisë.

Borrell tha se së shpejti do të ketë një takim të krerëve të të dy shteteve në Bruksel.

“Liderët e Kosovës dhe Serbisë do të vijnë së shpejti në Bruksel, për pak javë, në mënyrë që përfundimisht të shtyhet përpara propozimi evropian”, është shprehur Borrell.

Ai theksoi se do t’u kërkojë liderëve të Kosovës dhe Serbisë mbështetje më të fortë, në mënyrë që të shmanget eskalimi.

“Do t’u kërkojë liderëve për mbështetje më fortë në mënyrë që të shmanget eskalimi dhe do t’u kërkoj që të punojnë seriozisht për këtë propozim që është mënyra e vetme më të zgjidhur dhe normalizuar marrëdhëniet në mes të Kosovës dhe Serbisë. Kemi shkuar nga kriza në krizë. Tani është koha për deskalim dhe punë konstruktive”,shtoi ai./Lajmi.net/