Mesfushori i Chelseas, Jorginho, nuk ka dhënë detaje nëse do të qëndrojë ose jo te skuadra londineze.

Futbollisti u pyet në lidhje me bisedimet për kontratë, duke u mjaftuar së thëni se kontaktet ekzistojnë, por pa specifikuar ndonjë detaj të veçantë brenda tyre.

“Bisedimet vijojnë. Është normale që të vijojnë”, u përgjigj ai duke qeshur, transmeton lajmi.net.

Pas kësaj italiani nuk pranoi që të përgjigjej në pyetjet e tjera.

“Më thatë se ajo pyetje (për bisedimet në lidhje me kontratën) ishte e fundit, kështu që CIAO”, përfundoi ai. /Lajmi.net/