Në orët e para të ditës së martë, një 25-vjeçar, i cili nuk i është bindur urdhrit të policit, është qëlluar me armë zjarri, shkruan lajmi.net.

Ky rast ka nxitur reagime të shumta në publik, madje shumë qytetar morën iniciativë për t’iu bashkuar edhe një proteste, në të cilën kërkohej drejtësi për Klodianin.

Mbrëmë (e mërkurë), në Tiranë u mbajt protestë, e cila eskaloi me dhunë e tension nga protestuesit e shumtë.

Së fundi, këngëtarja Jonida Maliqi, përmes një postimi në Instagram, thotë se dhuna nuk është zgjidhje e problemit.

“Ishte e tmerrshme ajo që i ndodhi Klodianit dhe jam e sigurt që drejtësi do të ketë, por pse të sillemi si huliganë në vend që të protestojmë paqësisht? Të djegim, të shkatërrojmë, të sillemi si kafshë. Kjo nuk është zgjidhje e problemit, kjo është injorancë”, ka shkruar ndër të tjera ajo.

Ndryshe, pjesë e protestës ishin e shumë fytyra publike, përfshirë edhe reperin Stresi. /Lajmi.net/