Joao Felix nuk do të largohet nga Atletico Madrid

Portugezi, Joao Felix do të qëndrojë edhe më tej në Atletico Madrid.

Sport

25/06/2022 16:23

Felix ka kontratë me ‘Rojiblancos’ deri në vitin 2026, por së fundmi u përfol për një largim të hershëm të tij.

Shumë media raportuan se portugezi nuk është i lumtur në ‘Wanda Metropolitano’, andaj ndryshimi i ambientit po shihej si një mundësi e mirë.

Por, është ‘AS’ që njofton se Felix nuk e ka ndërmend largimin nga klubi kryeqytetas, përcjell lajmi.net.

Interesim për të kanë shfaqur disa klube, në mesin e tyre edhe Paris Saint Germain dhe Manchester City, por lojtari është i lumtur nën drejtimin e Diego Simeones./Lajmi.net/