Sot luhet java e fundit e Superligës së Kosovës.

Vëmendja do të jetë tek dy ndeshjet: Llapi-Dukagjini dhe Suhareka-Ballkani, shkruan lajmi.net

Llapi apo Suhareka, njëra do të bie nga liga e tjetra e siguron pozitën e barazhit.

Ekipi nga Podujeva ka 44 pikë dhe gjendet në pozitën e 8-të, kurse Suhareka ka 42 pikë dhe gjendet në pozitën e 9-të.

Tashmë dihet që Drita është kampione e Superligës dhe se Feronikeli do bie Ligën e Parë. Këto dy skuadra luajnë kundër njëra tjetrës sot.

Garë interesante do të jetë edhe për vendin e tretë, ku Malisheva dhe Gjilani kanë vetëm dy pikë diferencë.

Malisheva ka 52 pikë në vendin e tretë dhe sot luan kundër Prishtinës. Kurse, Gjilanit do të luaj kundër Ferizajt.

Të gjitha ndeshjet zhvillohen nga ora 16:00./lajmi.net/