Për këtë arsye janë të preferuara nga njerëzit që kujdesen për linjën e trupit. Në 100 gramë këto kërpudha kanë vetëm 12 kilokalori. Nuk këshillohen më shumë se dy gjella me lafshagjele në javë, sepse mund të jenë të rënda për lukthin. Assesi mos i blini nëse kanë njolla të kafenjta.

Kafjalli

Kërpudhat lafshagjele të pastruara dhe të prera (mos i lani, vetëm i pastroni) i shtoni në vezë të tundura dhe i fërgoni si zakonisht.

Dreka

Kërpudhat i pastroni (me një brushë, pa larje) dhe i preni. Një kungulleshë të vogël e qëroni dhe e preni në forma të kubeve. Në temperaturë të mesme me pak gjalpë ose vaj i fërgoni e më pas ua shtoni kungulleshën. U qitni kripë dhe biber. I fërgoni për edhe 5-10 minuta. Në fund ua shtoni pak hudhër të grirë. Mund t’i shërbeni me bukë të thekur.

Darka

300 gramë kërpudha lafshagjele i fërgoni në vaj së bashku me një karotë të prerë dhe me një qepë të vogël. U qitni kripë sipas dëshirës. Gjatë asaj kohe e zieni orizin, e filtroni dhe e qitni në kërpudhat e fërguara. Mund ta shërbeni me djathë të llojit parmezan.