Trupi i pajetë i 22-vjeçares shqiptare, Ilaria Sula është gjetur i pajetë në një valixhe.

Mediat italiane shkruajnë se trupi i të resë së zhdukur prej një jave në Romë u gjet mëngjesin e sotëm në një luginë në komunën e Polit, zona e Monti Prenestinit.

Autoritetet italiane po marrin në pyetje të dashurin e saj filipinas.

Ilaria, jetonte në lagjen Furio Camillo të Romës, ku ndante një apartament me disa shoqe. Ajo ishte studente në Universitetin e njohur të La Sapienza-s.

Natën e zhdukjes, ajo kishte shkëmbyer disa mesazhe në WhatsApp me shoqet e saj, të cilat u shqetësuan kur ajo nuk u kthye në shtëpi. Që nga ai moment, telefoni i saj mbeti i fikur.

 

 

Familja dhe shoqet e denoncuan zhdukjen në komisariatin e San Lorenzos, duke nxitur nisjen e hetimeve nga policia italiane.

Hetuesit e Skuadrës Mobile të Romës dhe komisariati i San Lorenzos po hetojnë një pistë ku dyshimet bien mbi ish të dashurin e 22-vjeçares, një shtats nga Filipinet.

Autoritetet italiane po punojnë intensivisht për zbardhjen e plotë të ngjarjes dhe arrestimin e autorit ose autorëve.