Ish-basketbollisti i KB Pejës, Brad Waldow ndodhet në Izrael, në kohën kur ky shtet po përballet me luftë me militantët e grupit terrorist të Hamasit.

Waldow që u transferua në Izrael këtë sezon ka publikuar një video në llogarinë e tij në Instagram, shkruan lajmi.net.

Në pamjet e publikuara dëgjohen krisma e të qara të një gruaje me një fëmijë në dorë.

“Kjo është ajo që po ndodh realisht në Izrael. Ne po përpiqemi të kthehemi në shtëpi” – ka shkruar ai në InstaStory.

Luftimet në mes Izraelit dhe Hamasit kanë nisur të shtunën me këta të fundit që lëshuan një numër të madh të raketave pa paralajmërim në territorin izraelit.

Mbi 1 mijë persona raportohet të jenë vrarë nga luftimet mes Izraelit dhe Hamasit./Lajmi.net/