Inspektorati Policor i Kosovës ka rekomanduar suspendimin e një polici në Fushë Kosovë.

Ai dyshohet ka kryer veprën penale “sulm”. Pas konsultimeve me prokurorin e rastit, rasti është duke u trajtuar në procedurë të rregullt, transmeton lajmi.net.

Njoftimi i plotë:

Inspektorati Policor i Kosovës respektivisht hetuesit e  Departamentit të Hetimeve i kanë rekomanduar Policisë së Kosovës suspendimin e një zyrtari policor i angazhuar në Stacionin Policor të Fushë Kosovës.

Hetimet ndaj zyrtarit policor  janë duke u zhvilluar në drejtim të veprës penale “Sulm” kurse pas konsultave me prokurorinë rasti  do të trajtohet në procedurë të rregullt.

Incidenti raportohet të ketë ndodhur pas mesnatës në Fushë Kosovë kurse zyrtari policor i përfshirë si i dyshuar në këtë rast ka qenë jashtë detyrës zyrtare.

Hetuesit e IPK-së në konsultim të vazhdueshëm me prokurorin përgjegjës pritet të ndërmarrin edhe veprime të tjera hetimore lidhur me këtë rast për të sqaruar rrethanat e këtij incidenti./lajmi.net/