Ministri i Zhvillimit Ekonomik, Fadil Ismajli, i ka ftuar të gjitha kompanitë e parakualifikuara në një takim në Stamboll të Turqisë, shkruan “Koha Ditore”.

Është takuar me vetëm dy nga to, të cilat i janë përgjigjur ftesës. Takimin e parë e ka mbajtur me kompaninë “Countor Global”, e cila ka shprehur gatishmërinë për të investuar në projektin “Kosova e Re”.

“Ministri Ismajli takoi drejtuesit e kompanisë ‘Countor Global’, të cilët ritheksuan interesin e tyre për të investuar në TC ‘Kosova e Re’, ndërsa kërkuan më shumë informacion sa i përket mundësisë që në këtë proces të ndikojë situata aktuale politike në vend”, thuhet në një komunikatë të lëshuar nga MZHE-ja.