Po duket gjithnjë e më shumë e pamundur që këshilli lokal të japë gjithçka të qartë për të filluar ndërtimin e një arene të re, në thelb në parkun e makinave ngjitur me stacionin aktual ‘Giuseppe Meazza’.

Deri më tani, këshilltarët kanë qenë kryesisht negativë në lidhje me projektin për rrëzimin e stadiumit dhe krijimin e një vendi të ri në zonën e qytetit San Siro, transmeton lajmi.net.

Mbrëmjen e djeshme, drejtori i Interit Alessandro Antonello dhe presidenti i Milanit Paolo Scaroni morën pjesë në një takim të bashkisë për të prezantuar projektin e tyre para qytetarëve vendas, por u pritën me negativitet pothuajse nga të gjithë.

Kishte shenja proteste që ankoheshin se biznesi i madh po përpiqej të fitonte para nga zona, duke krijuar më shumë objekte sesa hapësira të gjelbërta dhe duke e vendosur stadiumin shumë afër shtëpive.

Scaroni nuk e ndihmoi situatën kur i referohej zonës përreth San Siro si “një peizazh i shkretë”, i cili nxiti reagime nga publiku.

Disa ishin duke kërkuar për një model të tretë, të propozuar nga arkitekti Stefano Boeri, që do kishte më shumë gjelbërim. /Lajmi.net/