Drita e gjelbër që iu dha ngritjes së çmimit të energjisë elektrike bëri bujë të madhe.

Kjo për shkak se ky vendim u tha se do të ketë ndikim në ngritjen e çmimeve të tjera.

E ky ndikim ka filluar të vërehet si shumë në Kosovë, pasi së fundmi në disa furra të kryeqytetit pati ngritje të çmimit të bukës.

Kjo gjë bëri që Inspektorati i Autoritetit të Konkurrencës të dalin në terren për inspektim për të parë arsyen.

Këtë herë inspektorët ishin të shoqëruar nga ekipi i lajmi.net, ku u pa nga afër ajo se çfarë po ndodhte e çfarë bisedohej.

Një furrtarë i cili u prononcua e u mor në pyetje nga inspektori, tha se nuk kishte dijeni për takimin e furrtarëve i cili u mbajt të dielën.

“Rryma ka ndiku në rritjen e çmimit se për nja 200 euro ma shtrenjtë vjen këtë muj kur unë paguj mbi1000 apo 1100 euro rrymë kjo me 16% ka me kap dikun 1300”, ka thënë një furrtarrë.

Madje ai ka treguar edhe çmimet e produkteve të tij ku për dallim nga disa prej furrave nuk kishe ndonjë ngritje të lartë të çmimeve.

“Buka e thekrës te unë është 60 cent tjeter vend është 1 euro”, ka thënë ndër të tjera ai. /Lajmi.net/

Për më shumë ndiqni videon e plotë: