Pas ankesave të qytetarëve për vendosje të objekteve montuese, gjësendeve dhe mbeturinave pranë banesave sociale, inspektorët e Shërbimeve Publike kanë vizituar vendin dhe kanë kërkuar largimin e tyre.

Inspektorët nga Drejtoria e Inspekcionit kanë njoftuar pronarët e këtyre objekteve që t’i heqin ato nga hapësirat pranë banesave sociale deri më 30 prill në orën 24:00.

Drejtoria e Inspekcionit ka bërë të ditur se nëse pronarët nuk i largojnë vetë objektet dhe mbeturinat brenda këtij afati, komuna do të ndërmarrë veprimet për largimin e tyre, dhe shpenzimet për këtë do t’i bartin pronarët.

Ky veprim vjen si pjesë e përpjekjeve të Komunës për të mbajtur ambientet publike të pastra dhe të siguruara për qytetarët. /Lajmi.net/