Një incident aspak i këndshëm ndodhi së fundi me presidenten Vjosa Osmani, pikërisht në aeroportin e Shkupit.

Nga Presidenca e Kosovës reaguan duke thënë se presidentes Osmani iu kontrollua çanta e dorës dhe u kërkua që t’ futej në kontroll edhe telefoni personal, gjë të cilën e kishte refuzuar Osmani duke mos ua dhënë telefonin.

Sipas Presidencës gjithnjë si shkak i këtij refuzimi nga sigurimi i aeroportit pati edhe shtyrje fizike kundrejt Presidentes Osmani.

Por mediat maqedone më pas kanë raportuar se në vendin e ngjarjes më pas ka arritur edhe kryetari i Kuvendit të Maqedonisë, Afrim Gashi, ku njëri nga zyrtarët e mbrojtjes së afërt të tij më pas ka nxjerrë armë duke e bërë gati për përdorim.

E pikërisht për këtë Ministria e Punëve të Brendshme e Maqedonisë së Veriut ka njoftuar se ka paraqitur kallëzim penal kundër shefit të sigurimit të kryetarit të Kuvendit, në lidhje me incidentit e presidentes, Vjosa Osmani, që ndodhi në Aeroportin e Shkupit.

“Departamenti për kontroll të brendshëm, hetime kriminale dhe standarde profesionale në MPB, Prokurorisë Publike Themelore kompetente për Ndjekjen e Krimit të Organizuar dhe Korrupsionit – Departamenti i Specializuar për ndjekjen e krimeve të kryera nga persona me autorizim policor dhe pjesëtarë të policisë së burgut, ka paraqitur kallëzim penal ndaj S. S., shef i Departamentit për sigurinë personale të Kryetarit të Kuvendit për shkak të dyshimit se ka kryer veprën penale të “Rrezikimit të sigurisë” dhe veprën penale “Parandalimi i zyrtarit nga kryerja e një vepre zyrtare.I raportuari S.S. më 01.08.2024. rreth orës 10:30 në Aeroportin Ndërkombëtar të Shkupit, ka mbërritur në parkingun para zonë VIP me një automjet me drita rrotulluese, ka zbritur nga automjeti dhe e ka hequr armën nga brezi, e ka përgatitur dhe e ka futur sërish në brez, ndërsa policit nga Departamenti i Policisë në vendkalimin kufitar Aeroporti Ndërkombëtar i Shkupit, i cili ishte në detyrë para derës së hyrjes VIP, iu drejtua me ton të lartë, e shtyu me të dyja duart dhe duke e kërcënuar, ka penguar punonjësin e policisë si zyrtar në kryerjen e veprimeve të tij zyrtare.I raportuari S.S. është dërguar në Aeroportin Ndërkombëtar të Shkupit nga kryetari i Kuvendit për të tejkaluar keqkuptimin që ka lindur me Presidentin e Kosovës lidhur me procedurat e sigurisë për kontrollin e bagazheve dhe pajisjeve elektronike gjatë fluturimit me fluturime komerciale”, thuhet në njoftim.

Së bashku me dy policë të tjerë të Departamentit për Siguri të Personave, ai hyri në zonë VIP dhe duke u futur në dhomat ku nuk kishte autorizim për lëvizje dhe qëndrim, punonjësit e pranishëm të TAV-Shkup, policë kufirit dhe Departamenti për Mbrojtjen e Personave dhe objekteve të caktuara, ai filloi të kërcënonte jetën e tyre, duke kërkuar që të shoqëronte presidenten me automjet deri në avion.

“Njësiti për kontroll brendshëm në përputhje me kompetencat dhe kompetencat e veta do të paraqesë propozim për fillimin e procedurës për përcaktimin e përgjegjësisë disiplinore ndaj punonjësit të policisë S.S. dhe do të shqiptojë masa të detyrueshme për largim nga vendi i punës – pezullim deri në përfundimin e procedurës disiplinore, ndërsa ndaj punonjësve të policisë S.R. dhe N.B. do të paraqesë Propozim për fillimin e procedurës për shkelje të urdhrit të punës dhe disiplinës për shkak të ekzekutimit të urdhrit të kundërligjshëm, kryerjes së pakujdesshme të detyrave të punës dhe dëmtimit të reputacionit të policisë”, thuhet në njoftimin e MPB-së.

Nga Presidenca e Kosovës këtë ngjarje e kanë quajtur edhe provokim, kurse kryeministri i vendit, Albin Kurti  cili qëndroi sot në Shkup tha se kjo çështje nuk duhet të përdoret si tendencë por se duhet pritur për raport dhe të shihet se si ka rrjedhur e gjithë ngjarja./Lajmi.net/

Kurti për incidentin e Osmanit në Shkup: Po presim raport të hollësishëm, besoj se duhet të synojmë të vërtetën e jo tensionimin