Kështu ka bërë të ditur për gazetën Tribuna kryetarja e Komisionin Qendror të Zgjedhjeve, Valdete Daka. Ajo ka konfirmuar se institucioni që ajo drejton është i gatshëm edhe për një palë zgjedhje tjera brenda këtij viti.

“Në qoftë se mbahen zgjedhjet, KQZ-ja, meqë ka obligim kushtetues, do t’i organizojë ato teknikisht. Me aq sa varet prej saj, KQZ-ja do ta kryejë punën që i takon”, ka thënë Daka.

Ajo ka theksuar që KQZ ende nuk i ka kompletuar të gjitha raportet sa i përket zgjedhjeve të 8 qershorit dhe, sipas saj, edhe zgjedhjet e reja, në rast se do të mbaheshin, do të kishin të njëjtën kosto me ato të dy muajve më parë.

“Në fakt ende nuk e dimë saktësisht, sepse nuk i kemi bërë të gjitha raportet, por zgjedhjet e 8 qershorit kanë kushtuar përafërsisht 5 milionë euro, ndërsa në teori edhe zgjedhjet e reja do të kushtonin sikurse ato të 8 qershorit”, ka theksuar Daka. (Tribuna)