I plagosuri nga incidenti në rrugën Gjilan–Kamenicë në gjendje të rëndë, po operohet në QKUK
Personi i moshës rreth 40 vjeç i cili është plagosur sonte rreth orës 18:00 në rrugën Gjilan–Kamenicë, në afërsi të një pike të karburantit, është duke u operuar në Qendrën Klinike Universitare të Kosovës. Drejtori i Klinikës Emergjente të QKUK-së, Naser Syla i tha Lajmi.net se i plagosuri është futur në sallën e operacionit për…
Lajme
Personi i moshës rreth 40 vjeç i cili është plagosur sonte rreth orës 18:00 në rrugën Gjilan–Kamenicë, në afërsi të një pike të karburantit, është duke u operuar në Qendrën Klinike Universitare të Kosovës.
Drejtori i Klinikës Emergjente të QKUK-së, Naser Syla i tha Lajmi.net se i plagosuri është futur në sallën e operacionit për operim.
“Gjendje e rëndë, por stabile për momentin, jonë kry egzaminimët e nevojshme si dhe intervenimi operativ në sallën e QE, nga ekipët e ortopedisë dhe k. vaskulare, është transferu në MIQ për trajtim të meturjeshëm”, tha Syla për lajmi.net
Lidhur me rastin, Ismet Hashani, zëdhënës në Policinë e Gjilanit, tha se sipas informacioneve fillestare, dyshohet se në incident kanë qenë të përfshira dy automjete në lëvizje.
“Si pasojë e rastit, një person ka kërkuar ndihmë mjekësore në Spitalin Rajonal të Gjilanit, ndërsa po trajtohen nga autoritetet shëndetësore”, tha Hashani.
Ai shtoi se “njësitet policore kanë dalë menjëherë në vendin e ngjarjes, ku gjatë ekzaminimit janë gjetur dhe sekuestruar prova materiale që ndërlidhen me rastin”.
“Policia e Kosovës, në koordinim me Prokurorin e Shtetit, është duke ndërmarrë veprimet e nevojshme hetimore dhe është në kërkim të personave të dyshuar lidhur me këtë rast”, përfundoi ai./Lajmi.net/
