“Emigrimi ilegal është njëri nga problemet kryesore me të cilin po përballet Bashkimi Evropian sot”, ka thënë Sijarto në një konferencë për shtyp.

Sijarto ka shpjeguar që vendet e BE-së po bëjnë përpjekje për ta zgjidhur situatën, por që Hungaria nuk po mund të pres më, shkruan Reuters, transmeton lajmi.net

“Po flasim për kufirin 175 kilometërsh, i cili do të mund të mbyllet fizikisht me një mur të gjatë 4 metra, dhe Ministri i Punëve të Brendshme ka marrë instruksionet e nevojshme për ta përgatitur planin”, ka shtuar Sijarto.

Përgatitjet do të duhej të përfundonin deri të mërkurën e ardhshme, ka shpjeguar Sijarto.

Sijarto është i mendimit që ky hap nuk është në kundërshtim me përgjegjësitë ndërkombëtare, as nuk e shkel ndonjë marrëveshje ndërkombëtare.

Ndërkaq, në mbledhjen e Ministrave të Brendshëm të Bashkimit Evropian është thënë që Hungaria është shteti më i goditur nga emigrantët ilegal, ka shtuar ai.

Përndryshe Hungaria para 5 ditësh kishte paralajmëruar se do të mund ta mbyllë kufirin me Serbinë, për të parandaluar hyrjen e emigrantëve ilegal.