Një aksident trafiku ka ndodhur dje në autostradën “Ibrahim Rugova”, ku për pasojë ka humbur jetën një grua dhe bashkëshorti i saj ka pësuar lëndime.

Në lidhje me këtë aksident, Policia ka dhënë detaje përmes raportit 24 orësh.

Ata kanë thënë se personi që tashmë është i lënduar, ka humbur kontrollin dhe ka shkaktuar aksident trafiku.

Si pasojë e aksidentit, lëndime vdekje prurësë ka pësuar pasagjerja viktima femër, ndërsa i dyshuaru po trajtohet në QKUK.

Trupi i pajetë është dërguar në IML për obduksion.

“Autostrada Ibrahim Rugova / 14.06.2026 – 12:40. I dyshuari mashkull kosovar duke drejtuar automjetin dyshohet se  ka humbur kontrollin, me ç’rast ka shkaktuar aksident trafiku. Si pasojë e aksidentit, lëndime vdekje prurëse ka pësuar pasagjerja viktima femër kosovare, vdekjen e së cilës e ka konstatuar mjeku. Lëndime po ashtu ka pësuar edhe i dyshuari i cili është duke u trajtuar në QKUK, ndërsa  trupi i pajetë i viktimës  me urdhër të prokurorit është dërguar në IML për obduksion”, thuhet në raport. /Lajmi.net/