Hoxhaj, përmes një postimi në Facebook, ka bërë të ditur se qeveria e ardhshme e PDK-së do ta ketë prioritet shtrirjen e mësimit gjithëditor në gjithë Kosovën.

Ai,gjithashtu ka thënë se me qëllim të rritjes së cilësisë në arsim, PDK do të sigurohet që të gjitha shkollat të kenë lidhje internet dhe të gjithë nxënësit të pajisen me tablet.

Shkrimi i plotë i Enver Hoxhajt në Facebook:

Një mëngjes i hareshëm në shkollën “Jeromin de Rada” në Ferizaj, ku takova shumë mësimdhënës dhe nxënës, përplot vullnet për të qenë pjesë e ndërtimit të së ardhmes së Kosovës. Së bashku me kolegët Agim Aliu dhe Elmi Reçica theksova se qeveria e ardhshme e PDK-së do ta ketë prioritet shtrirjen e mësimit gjithëditor në gjithë Kosovën. Me qëllim të rritjes së cilësisë në arsim, do të sigurohemi që të gjitha shkollat të kenë lidhje internet dhe të gjithë nxënësit të pajisen me tablet. Në këtë mënyrë, nxënësit tanë do të jenë në hap me nxënësit në shtetet perëndimore dhe do të kenë mundësi që mësimin ta zhvillojnë në hap me trendet inovative botërore. #EnverHoxhaj4 #ElmiReçica17 #PDK112. /Lajmi.net/