Hoti: Sektori prodhues, prioritet i Qeverisë
Kryeministri në detyrë Avdullah Hoti, ka vizituar sot, kompaninë “Eurolona”, në Miradi të Epërme të Komunës së Fushë Kosovës, ku nga pronari i kompanisë, z. Milazim Berisha është njoftuar për të arriturat dhe sfidat me të cilat janë përballur gjatë kohës së pandemisë. Ai në të njëjtën kohë falënderoi Qeverinë për ndihmën e ofruar përmes subvencioneve.
Lajme
Hoti tha se kompania ‘’Eurolona’’ është kompani model, derisa theksoi se gjatë vitit 2020 Qeveria ka bërë maksimumin për t’iu dal në ndihmë bizneseve në mënyrë që ta ruajnë numrin e punëtorëve.
Hoti paralajmëroi rishikimin e skemës së granteve, duke premtuar mbështetje të vazhdueshme për rritjen e cilësisë në këtë sektor të prodhimtarisë.
Postimi i plotë:
Gjatë vizitës në kompaninë Eurolona, në Miradi të Epërme të Komunës së Fushë Kosovës, nga pronari i kompanisë, z. Milazim Berisha u njoftova për të arriturat dhe sfidat me të cilat janë përballur gjatë kohës së pandemisë. Ai më falënderoi për ndihmën që Qeveria u ka ofruar prodhuesve përmes subvencioneve.
‘’Eurolona’’ është kompani model. Sektori i prodhimit është prioritet për Qeverinë. Kemi rishikuar masat e ndërmarra dhe kemi punuar intensivisht për t’ju dalë në ndihmë të gjithë fermerëve dhe prodhuesve përmes granteve dhe subvencioneve, duke dyfishuar subvencionimin për sektorin e bujqësisë.
Qeveria do t’ju krijojë mundësi bizneseve për qasje më të lehtë në Fondin për Garanci Kreditore, që është mundësi e mirë për zhvillim të qëndrueshëm.
#shtetishtet /Lajmi.net/