Hoti për Kurtin e Osmanin: Është mungesë respekti që ende s’kemi ambasador në Izrael
Deputeti i Lidhjes Demokratike të Kosovës, Avdullah Hoti ka marrë shkas nga deklaratat e presidentes Vjosa Osmani dhe kryeministri Albin Kurti, të cilët e dënuan sulmin e paprecedentë të Iranit ndaj Izraelit mbrëmë, duke shkruar se është mungesë respekti nga Kosova ndaj këtij vendi, fakti që ende s’ka ambasador atje. Hoti shkroi në një postim…
Lajme
Deputeti i Lidhjes Demokratike të Kosovës, Avdullah Hoti ka marrë shkas nga deklaratat e presidentes Vjosa Osmani dhe kryeministri Albin Kurti, të cilët e dënuan sulmin e paprecedentë të Iranit ndaj Izraelit mbrëmë, duke shkruar se është mungesë respekti nga Kosova ndaj këtij vendi, fakti që ende s’ka ambasador atje.
Hoti shkroi në një postim në Facebook se po ndihet keq për faktin se qe 3 vjet prej kur Kosova mori njohjen nga Izraeli, atje përfaqësohet me të ngarkuar, dhe jo ambasador shteti.
“Këta që më shanin në Kuvend për një marrëveshje të nënshkruar në Shtëpinë e Bardhë, e hidhnin dyshime për validitetin e kësaj njohjeje që erdhi direkt nga Shtëpia e Bardhë, duhet të tregojnë respekt e mirënjohje pë aleatët e Kosovës. Pa ta Kosova mbetet e izoluar, pa zhvillim, pa integrime euro-atlantike”, shtoi ish-kryeministri.
